Tin Söhbeti - Heyderizmin qenimi olan siyasi satirik elektron jurnalı

Bizim zəhmətkeşlər

TinBala — Thu, 01 May 2008 16:51:30 +0000

http://www.youtube.com/watch?v=iqqnS9aT1cY

Vətənim hörümçək pəncəsində

TinBala — Thu, 01 May 2008 12:02:06 +0000

Görəsən gələcək o günlər?!

TinBala — Sat, 19 Apr 2008 01:18:10 +0000

http://www.youtube.com/watch?v=UNcR5PidXNE

Siyasi incilər - 26

TinBala — Tue, 08 Apr 2008 16:58:49 +0000

Artur Rəsizadə: “Qarabağı qaytarmaq üçün kişi kimi döyüşmək lazımdır!”
Azərbaycan və Ermənistan prezidentləri Rambuye qəsrində görüşürdülər. Bütün ölkə səbrsizliklə danışıqların nəticəsini gözləyirdi. Həmin gün «Park İnn» otelində nəsə böyük bir konfrans keçirilirdi. Baş nazir Artur Rəsizadə də tədbirdə iştirak edənlər arasında idi.
Baş nazirdən müsahibə alan zaman jurnalistlərdən kimsə qayıtdı ki, bəs, Artur müəllim, Rambuyedə prezidentlər arasında gedən danışıqlar haqda nə deyə bilərsiz? Cavab dəqiq şəkildə belə oldu: “Kameraları söndürün, mən öz sözümü deyim. Azərbaycan müharibə etməsə, öz torpağını azad edə bilməyəcək. Biz kişi kimi döyüşməliyik”.
Artur Rəsizadə bu kəlmələri söyləyərək artıq qapısı açılmış və onu gözləyən avtomobilinə əyləşərək gözdən itdi.

Yaqub Eyyubov: “Eyyub Yaqubov çıxandan mənim adımı unudublar”
«Park-İnn» otelində iqtisadi tədbir keçirilir. Jurnalistlər otelin foyesinə toplaşıb baş nazirin müavini Yaqub Eyyubovu gözləyirlər. Y.Eyyubov tədbirdən çıxır və jurnalistlər yığışırlar onun başına.
Sualı sual ardınca yağdıran APA-nın müxbiri hər dəfə Y.Eyyubova “Eyyub müəllim, Eyyub müəllim” deyib müğənni Eyyub Yaqubovla adını səhv salır. Y.Eyyubov dözməyib jurnalistin üstünə çığırır: “Eyyub Yaqubovun atasına söydürəcəksən. O müğənni çıxandan mənim adımı unudublar”.

Novruz Məmmədov: “Dünən televizorda kimi göstəribsiniz, ondan da müsahibə alın”
2006-cı ilin payızında Bakıda islam ölkələri turizm nazirlərinin konfransı keçirilirdi. Bir dəstə jurnalist yığışıb durmuşduq «Gülüstan» sarayının qarşısında, müsahibə almağa məmurdan, nazirdən axtarırdıq. Bir də gördük ki, Prezident Aparatının beynəlxalq əlaqələr şöbəsinin müdiri Novruz Məmmədov gəlir.
Hamımız yaxınlaşıb elə birinci sualı vermək istəyirdik ki, Novruz müəllim bir sifət aldı ki, gəl görəsən. Dedi, ölsəniz də, müsahibə verməyəcəyəm. Səbəbini soruşanda qayıtdı ki, bəs dünən televiziyada Antalyada beynəlxalq konfransdan yayımlanan reportaja baxıb. Televizorda ondan başqa hamını göstəriblər. Novruz müəllim bunu deyib əlavə elədi ki: “İndi gedin dünən televizorda kimi göstəribsiniz, ondan da müsahibə alın”.

Oruc Zalov: “Görmürsünüz, ağlayıram?”
2003-cü ilin dekabrı. Ölkənin bütün üzdə olan adamları hava limanında Heydər Əliyevin cənazəsini gətirən təyyarəni gözləyir. Jurnalistlər də məmurların arasında gəzib onlardan Heydər Əliyev haqqında xatirələrini almaq istəyirlər. Elə bu zaman gözləri daxili işlər nazirinin müavini Oruc Zalovu alır.
Yaxınlaşıb müsahibə götürmək istədiklərini bildirirlər. Nazir müavini də elə fikirləşir ki, indi bu məqamda ondan ölkədəki kriminogen durum haqqında nəsə soruşmaq istəyirlər. Qayıdıb ondan müsahibə almaq üçün icazə istəyən jurnalistlərə elə bu sözləri deyir: “Görmürsünüz, ağlayıram?”

Nadir tapılan vətənpərvər Nadir

TinBala — Sun, 06 Apr 2008 11:57:56 +0000

http://www.youtube.com/watch?v=yeHUFVlDqos

3 aylıq cırıq bayraq

TinBala — Fri, 04 Apr 2008 02:33:09 +0000

Ancaq Azərbaycanda - 32

TinBala — Tue, 01 Apr 2008 10:25:06 +0000

Ancaq Azərbaycanda - 29

Xaldan — Mon, 31 Mar 2008 01:03:25 +0000

Ancaq Azərbaycanda prezidentin qəbrini müqəddəs ziyarətgah sayırlar.
Ancaq Azərbaycanda mollaların cəddi 220 voltdan yüksək olur.
Ancaq Azərbaycanda əmək haqqı qalxmamışdan qabaq benzinin qiyməti qalxır.
Ancaq Azərbaycanda prezident və parlament seçkilərinin nəticəsi əvvəlcədən bilinir.
Ancaq Azərbaycanda yerli fəhlələr 100 manat, əcnəbi fəhlələr isə 5000 manat maaş alır.
Ancaq Azərbaycanda Türk dizilərindən təsirlənərək intihar edirlər.
Ancaq Azərbaycanda Latın Amerikası seriallarındakı mənfi obrazlı qəhrəmanları “Mir Mövsüm Ağa”ya və digər pirlərə tapşırırlar.
Ancaq Azərbaycanda xəbərsizdirlər ki, İlham Əliyev hər bir Azərbaycanlının prezidentidir.
Ancaq Azərbaycanda Narkotikanı din xadimləri satırlar.
Ancaq Azərbaycanda Naftalandakı məsciddən 26 kiloqram narkotika tapırlar.
Ancaq Azərbaycanda gənclərin hobbisi namaz qılmaqdır.
Ancaq Azərbaycanda hərbi xidməti qurtarıb gələn insan özündən kiçiklərə məsləhət görür ki, “ Ağlın varsa əsgərliyə getmə”.

Azərbaycan xalqı efirdə

TinBala — Sat, 29 Mar 2008 03:25:12 +0000

Siyasi incilər - 25

TinBala — Thu, 27 Mar 2008 11:52:16 +0000

Əli Həsənov: “Azərbaycan cibi qızıl dolu uşaga bənzəyir və hamı da onu aldadıb, qızılını almaq istəyir.”
Mübariz Qurbanlı: “Prezident seçkilərində müxalifət heç 15% də səs yığmayacaq.”
Ziya Məmmədov İlham Əliyevə: “Keçidlərdə ekskalatordan istifadə sizin ideyanız əsasında həyata keçirilib.”
Şamama Həsənova: “Allah İlham Əliyevin padşahlığını uzun eləsin.”
Fəzail Ağamalı: “Əgər mən siyasətdən getsəm, siz jurnalistlər mənimçün çox darıxacaqsınız.”