“İlin turisti” - Novruz Məmmədov. Dövlət başçısını müşayiət edərək 47 ölkə gəzdiyinə görə;
“İlin vulkanı” - Əli İnsanov. Məhkəmədə hakimiyyətin üstünə od-alov püskürdüyünə görə;
“İlin yarıqbaşı” - Çingiz Məmmədov. Yasamaldakı ət bazarı dağıdılarkən laçınlı köçkün tərəfindən qafasının yarılmasına görə;
“İlin ölməz Kaşşeyi” - Üzeyir Cəfərov. Aprelin 20-də başından 3 armatur zərbəsi alsa da ölmədiyinə görə;
“İlin tikici-sökücüsü” - Ziya Məmmədov. Körpü tikə-tikə dövlət büdcəsini, bir də camaatın evini, obyektini sökdüyünə görə;
“İlin fövqəlnaziri” - Kəmaləddin Heydərov. Hamı bilir nəyə görə;
“İlin baş naziri” - bu nominasiya boşdur. Vəzifə faktiki olaraq vakant olduğuna görə;
“İlin Zahid Orucu” - Zahid Oruc. Öz ampluasına sadiq qaldığına və bizim də belə vərdiş elədiyimizə görə;

“İlin tribunu” - Baba Tağıyev. Parlamentdə dava düşəndə beqəfil tribunaya qalxıb xalqa müraciət etmək istədiyinə görə;
“İlin Levitanı” - Səfər Əbiyev. Öz zəhmli səsi və hədələri ilə düşməni qarabağır elədiyinə görə;
“İlin Georgi Hacısı” - milli futbolçularımız. İlk 11-i Həccə gedərək Hacı olduqlarına görə;
“İlin qonağı” - Elton Con. Gəlişi və gedişi, eləcə də qonorarı ilə ümumxalq müzakirəsinə çevrildiyinə görə;
“İlin aşığı” - Kamran Həsənli. Özü bilir nəyə görə;
“İlin şairi” - (Rüstəm Behrudi incisə də) Hadı Rəcəbli. Nəvəsi üçün
“Mən Rəcəbli Hadıyam,
Öz babamın adıyam.
Babam məni çox sevir,
Ləzzətiyəm, dadıyam” - şeiri yazdığına görə;
“İlin yazarı” - Ramiz Mehdiyev. “Azərbaycan” qəzetində oxunaqlı silsilə məqalələr yazdığına görə;
“İlin katoliki” - Bəxtiyar Sadıqov. Rəhbərlik etdiyi qəzetdə İlham Əliyevin “məqalə”sini dərc edərək Roma papasından artıq katoliklik etmək istədiyinə görə;
“İlin qayğıkeşi” - İlhami Fətəliyev. Yayda ziyalılarla birgə Şuşada olarkən erməni qonşusuna “Bacıların yaxşıdırmı” sualı ilə müraciət etdiyinə görə;
“İlin kişi adamı” - Tolik. “Mavi” olduğunu kişi kimi boynuna aldığına görə;
“İlin siyasətçisi” - Abış kişi (qonşum). İşi əlindən çıxmasın deyə müğənni Xatirə kimi gedib YAP-a üzv olduğuna görə.