Azərbaycan tarixinin parlaq simalarından biri, hamımızın yaxşı tanıdığı, zəhmətkeşlərin nəvazişlə “saqqallı kişi” adlandırdıqları Andreas Qross küsüb getdi. Deyirlər o, gedən kimi onu tanıyanlar hamısı arxasınca mahnı oxumağa başlayıblar:

Prezident İ.Əliyev:

Asta yeri, kəmər düşər belindən,

YAP-çıların xoru (çırtma çalaraq):

Ayrı düşdün gül kimi iş-gücündən,

YAP-çıların xoru (çırtma çalaraq):

Aman Qross, zalım Qross, can Qross!

Prezident İ.Əliyev:

Nə qədər dedim ki, sözə bax, ay sözə bax, ay sözə bax, ay sözə bax!

YAP-çıların xoru (çırtma çalaraq):

Aman Qross, zalım Qross, can Qross, ay can Qross, ay can Qross!

Prezident İ.Əliyev:

Sənsə çıxdın mənim nazlı sözümdən,

YAP-çıların xoru (çırtma çalaraq):

Aman Qross, zalım Qross, can Qross!

(Mahnının bitən kimi Fəzail Ağamalı qaçaraq cərgədən çıxıb və Qrossun arxasınca tenor səslə oxuyub: “Geeeettt, dönmə geri, dönmə geriiii…”)

Sonra söz müxalifətçilərdən ibarət xor kapellasına verilib. Kapellanın baş dirijoru İsa Qəmbər, konsertmeysteri isə Əli Kərimli imiş:

Ölkəmizdə Qross vardı,
Üzündə saqqalı vardı.
İqtidardan gizli bizə,
Söz verib, aldatdı bizi,
Bizi, bizi balam!

Avropa aldatdı, bizi,
Bizi, bizi balam.
Söz verib, aldatdı bizi,
Bizi, bizi balam!

Prezident İlham Əliyev Ucar rayonuna gedib və orda çıxış edib: “Lazım gələrsə bütün rayonlarda atamın heykəllərinin və anamın adına Göz xəstəxanalarının açılışını edəcəm. Kimsə məni bu müqəddəs yoldan çəkindirə bilməz.”

İyulun 3-də ədliyyə naziri Fikrət Məmmədov və BMT-nin İnkişaf Proqramının (BMTİP) rezident nümayəndəsi Marko Borsotti arasında “Azərbaycan Respublikası Əhalisinin Adam Kimi Siyahıya alınması” layihəsi imzalanacaq. Lahiyədə 2008-ci ilə qədər əgər ölkədə əhali qalarsa, onların sayının dəqiq müəyyənləşdirilməsi nəzərdə tutulub.

İqtisadi və Fövqəladə hallar xəbərləri

Fövqəladə Hallar Naziri Kəmaləddin Heydərov deyib ki, bundan sonra kim ev tikmək istəyərsə gəlib ekspertizadan keçməlidir. Nazir onu da qeyd edib ki, “bunun üçün yalnız nazirliyə gəlib məni görmək və 1-2 dənə də kağız-kuğuza qol çəkmək tələb olunur.”

Respublikada “quş qripi” xəstəliyinin yayılmasının qarşısını almaq üçün digər qurumlarla birgə mübarizəni və profilaktik tədbirləri davam etdirən Kənd Təsərrüfatı Nazirliyi yanında Dövlət Baytarlıq Xidməti dövlət vəsaiti hesabına lazımi miqdarda nəqliyyat vasitələri alıb. Alınmış nəqliyyat vasitələrinə 3 uzunqulaq, 2 qatır, 1 at və yarım dəvə daxildir. Məlumatda o da qeyd olunur ki, baytarlarımız bu minik vasitələrindən istifadə etməklə xəstə quşları qovaraq sərhədlərimiz dışına buraxacaqlar.

Dünya xəbərləri

Azərbaycan Qarabağdakı qızıl yataqlarında iş aparan Kanada və Hindistan şirkətlərini beynəlxalq məhkəməyə vermək istəyir. Kanada və Hindistan şirkətləri isə bəyanat veriblər ki, “torpağınızı işğal edəni məhkəməyə verə bilmirsiniz, bizə gücünüz çatır?” Xatırladaq ki, bəyanatda Azərbaycan barədə “eşşəyə gücləri çatmır, palanı tapdalayırlar” ifadəsi də işlənib.

Milli Təhlükəsizliyimizi qorumağa borclu olan nazirliyin əməkdaşıları iki nəfər iranlını tutub dama basıblar. Səbəb isə bu olub ki, bir iranlı o biri iranlını Fransa səfirliyi yaxınlığında videoya çəkirmiş. İranlılar etiraz ediblər ki, “baba, video çəkmax da olmaz burda?” MTN əməkdaşları isə onları başa salıblar ki, “çəkmax olar, amma çəkdiyin adamın dal tərəfində Fransa səfirliyi görünürsə, olmaz! Ayıbdır!”

O gün Moskvada dini liderlərin Ümumdünya Sammiti başlayıb. Məlumata görə, sammitdə bir xeyli keşiş-molla-ravvin-lama və s. iştirak edəcək. Tədbirdə Azərbaycanı Şeyxülislam Hacı Allahşükür Paşazadə (Allah kömək olmuş) təmsil edir. A. Paşazadə toplantıda Ermənistanın işğalçılıq siyasəti, separatizm və təcavüzdən imtina, həmçinin “Rafiq Əliyev kimiləri necə ağlatmaq olar” mövzusunda məruzə ilə çıxış edəcək.

Mədəniyyət və Turizm xəbərləri

Azərbaycan Yazıçılar Birliyinin Şamaxıda filialı açılıb. Birliyin sədri Anarın verdiyi məlumata görə Filialda yazıçılar fil yetişdirməklə məşğul olacaqlar. İldə hər fili 5 dəfə doğuzduraraq ən aşağısı 5 bala alacaqlarını qeyd edən Anar, lazım gələrsə bu işi 10 dəfə belə görə biləcəklərini də qeyd edib.

İdman və gənclər xəbərləri

Xarici İşlər Naziri Elmar Məmmədyarov bu dəfə Almaniyaya gedəcək. Nazir səfərin səbəbini möhkəm futbol azarkeşi olması ilə əlaqələndirib.

Bundan sonra təhsil aldıqları ali məktəblərin bakalavr pilləsini başa vuran məzunlara magistraturaya qəbul olunmaq üçün möhlət verilməyəvək. Müdafiə Nazirliyinin Hərbi Komissarlıq Baş İdarəsindən aldığımız məlumata görə bunun səbəbi heç də biz düşündüyümüz kimi - “vayenkamatlar” daha çox rüşvət alsınlar, deyilmiş. Əsl səbəb gənclərin orduya cəlb olunması və onlara vətənpərvərlik ruhunun aşılanması imiş.

Müsahibə:

Müsahibimiz Daxili İşlər Naziri Ramil Usubovdur.

- Salam, rəis!

- Salam.

- Axır vaxtlar yaman tuthatutdasan, xeyirdir?

- Bəli, bu yaxınlarda qanunsuz narkotik satan 5 nəfəri tutmuşuq ki,onlardan da biri jurnalist maskası ilə gizlənmiş Sakit adlı şəxsdir.

- Deyirlər, DİN əməkdaşlarının sayı azaldılacaq?

- Bunu deyənlər bizi gözü götürməyənlərdir, onların acığına polisin şəxsi heyətini çoxaltmaq – 100 000-ə çatdırmaq fikrindəyəm.

- Bahəddin Həziyevin döyülməsinə necə baxırsınız?